കടൽ മഴ പെയ്യുമ്പോൾ...
കടലിൽ പെയ്ത മഴ പോലെ
കാലങ്ങൾ തോർന്നു പോകുന്നു...
എന്റെ സ്വപ്നങ്ങളിൽ
ഇനിയും പെയ്യാത്തൊരു മോഹം ബാക്കിയാണല്ലോ?
തിരകൾ പാദങ്ങളെ പുണരുമ്പോൾ
തമ്മിൽ കൊരുത്ത വിരലുകളോടെ
നമുക്കും മഴ നനയണ്ടേ?
കടലാഴങ്ങളിലേക്ക്
മുത്തമായി പടരുന്ന
മഴച്ചുണ്ടുകളുടെ നനവേറ്റ്
നമുക്ക് നടക്കേണ്ടേ?
പിന്നിലെന്നോ മാഞ്ഞുപോയ...
ഏതോ ജന്മത്തിൽ ബാക്കി വച്ച,
നനുത്ത സ്വപ്നം പോലെ....
ഞാനാ കടൽ മഴയെ
പ്രണയിക്കുന്നു....
No comments:
Post a Comment