ഇനിയെന്തിനെപ്പറ്റി

ഇനിയെന്തിനെപ്പറ്റിയെഴുതുവാന്‍

തൂലിക മഷി ചോര്‍ന്നു നിശ്ചല 

ചിത്രം പോല്‍ വിമൂകമായ് ..

പൂവിട്ട കണിക്കൊന്ന

പോലെന്നും മോഹിപ്പിച്ചു 

കൂടെയുണ്ടുറങ്ങിയ 

കവിതക്കും വാര്ധക്യമായ് ..

ഇനിയേതോ വാല്‍ക്കിണ്ടിയില്‍ 

നിന്നു വീണെന്നാത്മാവില്‍

ഒടുവിലെയമൃതമായ്  അലിയും 

ജലം പോലെ.. 

ഒരു വട്ടം കൂടിയൊഴുകൂ ,

പിടയുമെന്‍ ഹൃദയ രക്തം ചോര്‍ത്തി 

നിറക്കട്ടെ എന്‍ തൂലിക...

ഇനിയെന്തിനെപ്പറ്റിഎഴുതുവാന്‍ 

എന്നാകട്ടെഒടുവിലെന്‍ തൂലിക 

എഴുതുമാ ഹംസഗാനം