എന്‍റെ വീട് ...

വയല്‍ക്കരയില്‍ കശുമാവുകൾ അതിരിടുന്ന
എന്റെ വീട്..
പിന്നിലെ മുളംകാട്ടിലെ ചിത്രകൂടങ്ങളിൽ 
സർപ്പങ്ങൾ കാവലുള്ള
എന്റെ വീട്..
ആകാശം തൊട്ട ചില്ലകളിൽ
അംബിളിമാമനെ താരാട്ടുന്ന വാകമരമുള്ള
എന്റെ വീട്
വൃശ്ചികത്തണുപ്പിനൊപ്പം പൂത്ത പാലയുടെ
ഗന്ധത്തിൽ ഉറങ്ങുന്ന
എന്റെ വീട്..
നന്ത്യാർവട്ടപ്പൂവും ഗന്ധരാജനും തുളസിയും
വിരിയുന്ന,അമ്പലമണമുള്ള
എന്റെ വീട്..
അവിടെയാണ് ഞാൻ പിറന്നതും പിച്ച വച്ചതും ..
വളര്ന്നതും വധുവായതും
ഒടുവിലൊരു മഴക്കാലരാത്രിയിലൊരുണ്ണിക്ക് ..
ജന്മമേകി ഒരമ്മയായ് തീര്ന്നതും..
എന്നിട്ടും ...
ഇന്നത് എന്റെയല്ല..
വിറ്റു പോയെന്ന് എല്ലാവരും പറയുന്നു.. അറിയുന്നു..
പക്ഷെ ..എനിക്കതാണിപ്പോഴും
എന്റെ വീട്..